Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 5-րդ ենթակետի, 2-րդ կետի, Աբովյան համայնքի ավագանու 2025 թվականի հունվարի 23-ի N 04-Ն որոշման, հիմք ընդունելով Դերենիկ Մկրտչյանի դիմումը (մուտք՝ 2025 թվականի հունիսի 18-ի N Ք-4048), Աբովյան համայնքի ավագանին ո ր ո շ ու մ է.
1. Դերենիկ Մկրտչյանին սեփականության իրավունքով պատկանող (հիմք՝ 2025 թվականի մարտի 07-ի N 07032025-07-0200 վկայական) Աբովյան համայնքի Աբովյան քաղաքի 7-րդ միկրոշրջանի 3-րդ թաղամասի թիվ 93 հասցեում գտնվող 07-002-0030-0021 կադաստրային ծածկագրով բնակավայրերի նպատակային նշանակության 512.0 քառակուսի մետր մակերեսով բնակելի կառուցապատման հողամասին կից Աբովյան համայնքի սեփականություն հանդիսացող (հիմք՝ 2025 թվականի մայիսի 23-ի N 23052025-07-0138 վկայական) 7-րդ միկրոշրջանի 3-րդ թաղամասի թիվ 93/1 հասցեում գտնվող 07-002-0030-0199 կադաստրային ծածկագրով 486.2 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0030-0021 կադաստրային ծածկագրով հողամասի սեփականատեր Դերենիկ Ալբերտի Մկրտչյանին։
2. Դերենիկ Մկրտչյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 3 322 840 (երեք միլիոն երեք հարյուր քսաներկու հազար ութ հարյուր քառասուն) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Դերենիկ Մկրտչյանի կողմից։
4. Սույն որոշումն ուժի մեջ է մտնում Դերենիկ Մկրտչյանին որոշման ընդունման մասին իրազեկելու օրվան հաջորդող օրվանից։ |