Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2022 թվականի ապրիլի 15-ի N 26-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2022 թվականի սեպտեմբերի 27-ի թիվ «321Գ-01/Վ-022» անշարժ գույքի գնահատման մասնագիտական եզրակացությունը, որով անշարժ գույքը գնահատվել է 374 000 (երեք հարյուր յոթանասունչորս հազար) դրամ, նկատի ունենալով այն հանգամանքը, որ Աղվան Մանյանի ընտանիքը 1992 թվականից բնակվում է Աբովյան քաղաքի Հանրակացարանային թաղամասի 7 շենքի թիվ 68 բնակարանում, սակայն ընտանեկան հանգամանքներից ելնելով այն չի սեփականացրել, հիմք ընդունելով Աղվան Մանյանի դիմումը (մուտք՝ 2022 թվականի դեկտեմբերի 5-ի N Ք-6215), Աբովյան համայնքի ավագանին ո ր ո շ ու մ է`
1. Համայնքի սեփականություն հանդիսացող (հիմք` 2018 թվականի դեկտեմբերի 27-ի N 27122018-07-0099 վկայական) Աբովյան քաղաքի Հանրակացարանային թաղամասի 7 շենքի 37.35 քառակուսի մետր ընդհանուր մակերեսով թիվ 68 բնակարանն ուղղակի վաճառքով` 374 000 (երեք հարյուր յոթանասունչորս հազար) դրամով, օտարել Աղվան Մանյանին և Ալիսա Գալստյանին:
2. Սույն որոշման 1-ին կետում նշված անձինք պարտավոր են վճարել.
1) համայնքապետարանի 900105201777 հաշվեհամարին 374 000 (երեք հարյուր յոթանասունչորս հազար) դրամ` բնակարանի գինը,
2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար:
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է սույն որոշման 1-ին կետում նշված անձանց կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: |