Համաձայն Հողային օրենսգրքի 66-րդ հոդվածի 1-ին մասի 8-րդ կետի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 51-րդ կետի, 2016 թվականի մայիսի 26-ի N 550-Ն որոշման 1-ին կետի 2-րդ ենթակետի, Աբովյան համայնքի ավագանու 2020 թվականի դեկտեմբերի 25-ի N 69-Ն և 70-Ն որոշումների և հաշվի առնելով Արմեն Բալյանի դիմումը (մուտք՝ 2021 թվականի օգոստոսի 31-ի N Ք-2866), Աբովյան համայնքի ավագանին ո ր ո շ ու մ է.
1. Արմեն Մարտիկի Բալյանին սեփականության իրավունքով պատկանող (հիմք՝ 2021 թվականի օգոստոսի 27-ի N 27082021-07-0138 վկայական) Աբովյան քաղաքի Հատիսի փողոցի 1-ին թաղամասի թիվ 40/2/1 հասցեում գտնվող բնակելի տան և դրա պահպանման ու սպասարկման համար առանձնացված բնակավայրերի նպատակային նշանակության բնակելի կառուցապատման գործառնական նշանակության 507.7 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2021 թվականի հոկտեմբերի 13-ի N 13102021-07-0054 վկայական) Աբովյան քաղաքի Հատիսի փողոցի 1-ին թաղամասի թիվ 40/2/3 հասցեում գտնվող 56.6 քառակուսի մետր մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասը գնման նախապատվության իրավունքով, ընդլայնման նպատակով, հողի կադաստրային արժեքով ուղղակի վաճառքով օտարել Արմեն Բալյանին։
2. Արմեն Բալյանը պարտավոր է՝
1) Աբովյանի համայնքապետարանի 900105201363 հաշվեհամարին մուծել 386 805 (երեք հարյուր ութսունվեց հազար ութ հարյուր հինգ) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին մուծել 65 000 (վաթսունհինգ հազար) դրամ` համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Արմեն Բալյանի կողմից։
4. Սույն որոշումն ուժի մեջ է մտնում Արմեն Բալյանին որոշման ընդունման մասին իրազեկելու օրվան հաջորդող օրվանից: |