Համաձայն Քաղաքացիական օրենսգրքի 594-596-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, նկատի ունենալով այն հանգամանքը, որ Զարուհի Սարհանգյանը 2008 թվականից բնակվում է Աբովյան համայնքի Բալահովիտ գյուղի Լ. Ավետիսյան փողոցի 2-րդ նրբանցքի 1 շենքի 9 բնակարանում, հաշվի առնելով Զարուհի Սարհանգյանի դիմումը (մուտք՝ 2025 թվականի ապրիլի 21-ի N Ք-2664), Աբովյան համայնքի ավագանին ո ր ո շ ու մ է`
1. Աբովյան համայնքի սեփականություն հանդիսացող (հիմք` 2025 թվականի մարտի 10-ի N 10032025-07-0081 վկայական) Բալահովիտ գյուղի Լ. Ավետիսյան փողոցի 2-րդ նրբանցքի 1 շենքի 42.06 քառակուսի մետր ընդհանուր մակերեսով 9 բնակարանն անհատույց օտարել Զարուհի Ալիի Սարհանգյանին։
2. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Զարուհի Սարհանգյանի կողմից:
3. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
4. Սույն որոշումն ուժի մեջ է մտնում Զարուհի Սարհանգյանին որոշման ընդունման մասին իրազեկելու օրվան հաջորդող օրվանից: |