Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի  24-րդ կետի և 42-րդ հոդվածի 1-ին մասի 4-րդ կետի,  Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետի, 2015 թվականի մարտի 19-ի N 596-Ն որոշման, Աբովյան համայնքի ավագանու 2024 թվականի դեկտեմբերի 24-ի N 203-Ն, օգոստոսի 13-ի N 111-Ն որոշումների և հաշվի առնելով «ՌՈՍ ԳԱԶ ՊԼՅՈՒՍ» սահմանափակ պատասխանատվությամբ ընկերության հայտը (մուտք՝ 2025 թվականի սեպտեմբերի 03-ի N Տ-2222).
1. Թույլատրել փոփոխելու «ՌՈՍ ԳԱԶ ՊԼՅՈՒՍ» սահմանափակ պատասխանատվությամբ ընկերությանը սեփականության իրավունքով պատկանող (հիմք՝ 2024 թվականի հոկտեմբերի 11-ի N 11102024-07-0045 վկայական) Աբովյան համայնքի Առինջ գյուղի Պարույր Սևակ թաղամասի 17-րդ փողոցի 41 հասցեում գտնվող 10128,23 քմ մակերեսով բնակավայրերի նպատակային նշանակության հասարակական կառուցապատման և 395,17 քմ մակերեսով բնակավայրերի նպատակային նշանակության այլ հողեր հողամասերի գործառնական նշանակությունը որպես  բնակելի կառուցապատման հողամաս:
2. «ՌՈՍ ԳԱԶ ՊԼՅՈՒՍ» սահմանափակ պատասխանատվությամբ ընկերությանը տալ բազմաֆունկցիոնալ բնակելի համալիրի կառուցման նախագծման թույլտվություն:
3. Շինարարական աշխատանքները սկսելուց առաջ նախագծային փաստաթղթերը ներկայացնել համաձայնեցման և ստանալ շինարարության թույլտվություն։
4. «ՌՈՍ ԳԱԶ ՊԼՅՈՒՍ» սահմանափակ պատասխանատվությամբ ընկերությունը պարտավոր է Աբովյանի համայնքապետարանի 900105201652 հաշվեհամարին մուծել 1 102 340 (մեկ միլիոն հարյուր երկու հազար երեք հարյուր քառասուն) դրամ` որպես հողամասերի գործառնական նշանակության փոփոխության ծառայության վճար:
5. Սույն որոշումն ուժի մեջ է մտնում «ՌՈՍ ԳԱԶ ՊԼՅՈՒՍ» սահմանափակ պատասխանատվությամբ ընկերությանը որոշման ընդունման մասին իրազեկելու օրվան հաջորդող օրվանից։