Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ ավտոտնակը և պարիսպը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, հիմք ընդունելով Արման Աբաջյանի դիմումը (մուտք՝ 2024 թվականի դեկտեմբերի 17-ի N Ք-9070).
1. Արման Վարազդատի Աբաջյանին սեփականության իրավունքով պատկանող (հիմք՝ 2019 թվականի հունիսի 7-ի N 07062019-07-0046 վկայական) Աբովյան համայնքի Առինջ գյուղի Պ. Սևակի թաղամասի 3-րդ փողոցի թիվ 2/1 հասցեում գտնվող 500.0 քառակուսի մետր մակերեսով բնակելի կառուցապատման հողամասում ինքնակամ կառուցված 120.88 քառակուսի մետր արտաքին, 103.04 քառակուսի մետր ներքին մակերեսով ավտոտնակը և 9.17 քառակուսի մետր մակերեսով պարիսպը համարել օրինական (Կադաստրի կոմիտեում հաշվառման ծածկագիր՝ 2023HR7M2F):
2. Արման Աբաջյանը պարտավոր է ինքնակամ կառուցված ավտոտնակի և պարսպի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին վճարել 250 165 (երկու հարյուր հիսուն հազար հարյուր վաթսունհինգ) դրամ, հակառակ դեպքում սույն որոշումը կհամարվի ուժը  կորցրած: 
3. Սույն որոշումն ուժի մեջ է մտնում Արման Աբաջյանին որոշման ընդունման մասին իրազեկելու օրվան հաջորդող օրվանից: