Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների, հիմք ընդունելով Կադաստրի կոմիտեի 2025 թվականի մայիսի 21-ի N Կ-21052025-07-0183 որոշումը, հաշվի առնելով Աբովյանի համայնքապետարանի աշխատակազմի քաղաքաշինության և հողաշինարարության բաժնի պետի զեկուցագիրը (մուտք՝ 2025 թվականի օգոստոսի 12-ի N Ք-5348).
1. Աբովյան համայնքի ղեկավարի 2024 թվականի հոկտեմբերի 09-ի «Աբովյան համայնքի Առինջ գյուղի Հ. Գասպարյան փողոցի վրա գտնվող համայնքի սեփականություն հանդիսացող հողամասում ինքնակամ կառուցված հասարակական նշանակության կաթսայատունը համայնքի սեփականություն համարելու, օրինականացնելու և հասցե տրամադրելու մասին» N 4180 որոշման մեջ կատարել հետևյալ լրացումը և փոփոխությունը՝
1) որոշման վերնագրում «ՕՐԻՆԱԿԱՆԱՑՆԵԼՈՒ» բառից հետո լրացնել «, ՀՈՂԱՄԱՍԻ ԳՈՐԾԱՌՆԱԿԱՆ ՆՇԱՆԱԿՈՒԹՅՈՒՆԸ ՓՈՓՈԽՎԱԾ ՀԱՄԱՐԵԼՈՒ» բառերով.
2) որոշման 4-րդ կետը շարադրել նոր խմբագրությամբ՝
«4. Սույն որոշման 1-ին կետում նշված շինության պահպանման և սպասարկման համար առանձնացված հողամասի գործառնական նշանակությունը համարել փոփոխված որպես հասարակական կառուցապատման հողամաս և անշարժ գույքին տրամադրել հասցե` համայնք Աբովյան, գյուղ Առինջ, Հ. Գասպարյան փողոց, 2/2»։
2. Սույն որոշումն ուժի մեջ է մտնում որոշման ընդունմանը հաջորդող օրվանից: