Համաձայն «Տեղական ինքնակառավարման մասին» օրենքի 42-րդ հոդվածի 1-ին մասի 6-րդ կետի, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2024 թվականի դեկտեմբերի 24-ի N 203-Ն և 2025 թվականի հունվարի 23-ի N 03-Ն որոշումների, հաշվի առնելով Մարի Սարգսյանի դիմումը (մուտք՝ 2025 թվականի մարտի 06-ի N Ք-1382).
1. Համաձայնություն տալ Մարի Սարգսյանին սեփականության իրավունքով պատկանող Աբովյան համայնքի Աբովյան քաղաքի Գառնի փողոցի թիվ 6/1 հասցեի արտաքին ջրագիծը և կոյուղագիծը նախագծել «ՎԵՈԼԻԱ ՋՈՒՐ» փակ բաժնետիրական ընկերության կողմից 2024 թվականի օգոստոսի 21-ին տրված ՎՋ 3964/2024 տեխնիկական պայմանի ուղեգծով և Մարի Սարգսյանին տրամադրել արտաքին ջրագծի և կոյուղագծի կառուցման շինարարության թույլտվություն (շինարարության թույլտվությունը կցվում է):
2. Մարի Սարգսյանը պարտավոր է.
1) Աբովյանի համայնքապետարանի 900105201652 հաշվեհամարին վճարել 25 000 (քսանհինգ հազար) դրամ՝ ինժեներական ենթակառուցվածքների մոնտաժման աշխատանքների համաձայնության տրամադրման ծառայության վճար.
2) Աբովյանի համայնքապետարանի 900105201801 հաշվեհամարին վճարել 9 000 (ինը հազար) դրամ տեղական տուրք` շինարարության թույլտվության համար:
3) Քանդված հատվածները վերականգնել տասնհինգօրյա ժամկետում:
3. Շինարարական աշխատանքները կատարելիս անհրաժեշտ է տեղեկացնել «Աբովյանի համայնքային կոմունալ տնտեսություն» համայնքային ոչ առևտրային կազմակերպությանը, Հայաստանի Հանրապետության ներքին գործերի նախարարությանը և այլ շահագրգիռ կազմակերպություններին:
4. Սույն որոշումն ուժի մեջ է մտնում Մարի Սարգսյանին որոշման ընդունման մասին իրազեկելու օրվան հաջորդող օրվանից: