Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, իրավահարաբերության պահին գործող Հայաստանի Հանրապետության կառավարության 2003 թվականի ապրիլի 17-ի N 470-Ն, 2006 թվականի մայիսի 18-ի N 912-Ն որոշումների, 2010 թվականի հունվարի 14-ի N 16-Ն որոշմամբ հաստատված կարգի 2-րդ կետի, հաշվի առնելով Սուրեն Հակոբյանի 2021 թվականի հունվարի 25-ի N 38 դիմումը, Բալահովիտ համայնքի ղեկավարի 2021 թվականի հոկտեմբերի 18-ի N 419-Ա որոշումը, 2021 թվականի դեկտեմբերի 30-ի N 1022 գնման առաջարկը, հիմք ընդունելով Աբովյանի համայնքապետարանի աշխատակազմի քաղաքաշինության, հողաշինարարության, գյուղատնտեսության և անշարժ գույքի կառավարման բաժնի պետի զեկուցագիրը (մուտք՝ 2023 թվականի նոյեմբերի 06-ի N Ք-7201), Աբովյան համայնքի ավագանին  ո ր ո շ ու մ  է.
1. Համաձայնություն տալ Հայաստանի Հանրապետության սեփականությունը հանդիսացող (հիմք՝ 2021 թվականի դեկտեմբերի 29-ի N 29122021-07-0176 վկայական) Աբովյան համայնքի Բալահովիտ գյուղի Գուրգեն Արշակյան թաղամասի 1-ին փողոցի 1-ին փակուղու թիվ 6 հասցեում գտնվող, Սուրեն Հակոբյանի կողմից կառուցված 294.88 քառակուսի մետր արտաքին մակերեսով բնակելի տունը և դրա պահպանման ու սպասարկման համար առանձնացված 166.1 քառակուսի մետր մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասն ուղղակի վաճառքով՝ իրավահարաբերության պահին գործող գներով, կառուցապատողին օտարելուն։
2. Համայնքի ղեկավարին՝ պատրաստել հողաշինարարական գործ և օրենսդրությամբ սահմանված կարգով ընթացք տալ։
3. Սույն որոշումն ուժի մեջ է մտնում ընդունմանը հաջորդող օրվանից։