Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, «Շրջակա միջավայրի վրա ազդեցության գնահատման և փորձաքննության մասին» օրենքի 16-րդ հոդվածի 3-րդ մասի, Հայաստանի Հանրապետության կառավարության 2014 թվականի նոյեմբերի 19-ի N 1325-Ն որոշման, հաշվի առնելով 2024 թվականի հոկտեմբերի 11-ին կայացած հանրային քննարկման արդյունքները, հիմք ընդունելով «ԴԵՄԵՐ» սահմանափակ պատասխանատվությամբ ընկերության տնօրենի գրությունը (մուտք՝ 2024 թվականի սեպտեմբերի 3-ի N Տ-1736), Աբովյան համայնքի ավագանին ո ր ո շ ու մ է՝
1. Տալ նախնական համաձայնություն «ԴԵՄԵՐ» սահմանափակ պատասխանատվությամբ ընկերությանը Հայաստանի Հանրապետության Կոտայքի մարզի Աբովյան համայնքի Արամուս բնակավայրի Արամուսի բազալտի հանքավայրի Դեմեր 3 և Դեմեր 4 տեղամասերում իրականացնելու օգտակար հանածոյի արդյունահանման աշխատանքներ։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։ |