Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ ենթակետի, 2-րդ կետի, Աբովյան համայնքի ավագանու 2025 թվականի հունվարի 23-ի N 04-Ն որոշման, հիմք ընդունելով Ալեքսան Ալեքսանյանի դիմումը (մուտք՝ 2025 թվականի հունիսի 10-ի N Ք-3850), Աբովյան համայնքի ավագանին ո ր ո շ ու մ է.
1. Ալեքսան Ալեքսանյանին սեփականության իրավունքով պատկանող (հիմք՝ 2018 թվականի դեկտեմբերի 19-ի N 19122018-07-0047 վկայական) Աբովյան համայնքի Աբովյան քաղաքի Հատիսի փողոցի թիվ 1/30/14 հասցեում գտնվող 07-002-0116-0408 կադաստրային ծածկագրով բնակավայրերի նպատակային նշանակության 22.0 քառակուսի մետր մակերեսով հասարակական կառուցապատման հողամասին կից Աբովյան համայնքի սեփականություն հանդիսացող (հիմք՝ 2025 թվականի հունիսի 04-ի N 04062025-07-0094 վկայական) Աբովյան քաղաքի Հատիսի փողոցի թիվ 44/1 հասցեում գտնվող 07-002-0116-0473 կադաստրային ծածկագրով 20.5 քառակուսի մետր մակերեսով բնակավայրերի նպատակային նշանակության հասարակական կառուցապատման նշանակության հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0116-0408 կադաստրային ծածկագրով հողամասի սեփականատերեր Ալեքսան Ստեփանի Ալեքսանյանին։
2. Ալեքսան Ալեքսանյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 140 110 (հարյուր քառասուն հազար հարյուր տասը) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Ալեքսան Ալեքսանյանի կողմից։
4. Սույն որոշումն ուժի մեջ է մտնում Ալեքսան Ալեքսանյանին որոշման ընդունման մասին իրազեկելու օրվան հաջորդող օրվանից։ |