Համաձայն Հողային օրենսգրքի 67-70-րդ հոդվածների,  «Տեղական  ինքնակառավարման  մասին» օրենքի 35-րդ  հոդվածի 1-ին մասի 16-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի  22-28-րդ կետերի, Աբովյան համայնքի ավագանու 2023 թվականի  դեկտեմբերի 22-ի N 198-Ն, N 199-Ն և N 217-Ա որոշումների, հիմք ընդունելով հողամասն աճուրդով վաճառելու մասին 2024 թվականի հոկտեմբերի 02-ի N 8 արձանագրությունը.
1. Աբովյան համայնքի սեփականություն հանդիսացող (հիմք` 2023 թվականի օգոստոսի 18-ի N 18082023-07-0103 վկայական)  Աբովյան քաղաքի Հատիսի փողոցի 1-ին թաղամասի  թիվ 11/1 հասցեում գտնվող 180.0 քառակուսի մետր մակերեսով հողամասն օտարել Արման Սամվելի Բաբաջանյանին։
2. Ընդունել ի գիտություն, որ սույն որոշման 1-ին կետում նշված հողամասը հանդիսանում է բնակավայրերի նշանակության բնակելի կառուցապատման հողամաս, գտնվում է տարածագնահատման 10-րդ գոտում, հողամասի 1 քառակուսի մետրի կադաստրային արժեքը 6834.3 (վեց հազար ութ հարյուր երեսունչորս ամբողջ երեք) դրամ է, չի հանդիսանում Հողային օրենսգրքի 60-րդ հոդվածով սահմանված հողամաս:
3. Արման Սամվելի Բաբաջանյանը պարտավոր է.
1) համայնքապետարանի 900105201363 հաշվեհամարին վճարել 3 396 250 (երեք միլիոն երեք հարյուր իննսունվեց հազար երկու հարյուր հիսուն) դրամ` հողամասի գինը. 
2) համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ տեղական վճար` համայնքի տնօրինության ներքո գտնվող հողերը հատկացնելու դեպքում փաստաթղթերի (փաթեթի) նախապատրաստման համար, 10 000 (տասը հազար) դրամ` հասցեի տրամադրման ծառայության վճար:
4.Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Արման Սամվելի Բաբաջանյանի կողմից:
5. Սույն որոշումն ուժի մեջ է մտնում Արման Սամվելի Բաբաջանյանին որոշման ընդունման մասին իրազեկելու օրվան  հաջորդող օրվանից: