Համաձայն Քաղաքացիական օրենսգրքի 594-596-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, նկատի ունենալով այն հանգամանքը, որ Սամվել Բալյանի ընտանիքը 1969 թվականից բնակվում է Աբովյան համայնքի Աբովյան քաղաքի Դարանի փողոցի 6 շենքի 21 բնակարանում, հաշվի առնելով Սամվել Բալյանի դիմումը (մուտք՝ 2025 թվականի հունիսի 26-ի N Ք-4289), Աբովյան համայնքի ավագանին ո ր ո շ ու մ է`
1. Աբովյան համայնքի սեփականություն հանդիսացող (հիմք` 2025 թվականի հունիսի 12-ի N 12062025-07-0002 վկայական) Աբովյան քաղաքի Դարանի փողոցի 6 շենքի 53.0 քառակուսի մետր մակերեսով 21 բնակարանն անհատույց օտարել Սամվել Միխայելի Բալյանին։
2. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Սամվել Բալյանի կողմից:
3. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
4. Սույն որոշումն ուժի մեջ է մտնում Սամվել Բալյանին որոշման ընդունման մասին իրազեկելու օրվան հաջորդող օրվանից: |