Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 9-րդ, 10-րդ, 11-րդ, 17-րդ և 18-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ խանութը կառուցված չէ ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրա պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, հիմք ընդունելով Լևոն Բաղդասարյանի դիմումը (մուտք՝ 2024 թվականի փետրվարի 26-ի N Ք-1367).
1. Լևոն Մարտիկի Բաղդասարյանին և Նունե Ռազմիկի Սևլիկյանին ընդհանուր համատեղ սեփականության իրավունքով պատկանող (հիմք՝ 2011 թվականի մայիսի 25-ի N 2811040 վկայական) Աբովյան համայնքի Աբովյան քաղաքի Հանրապետության պողոտայի թիվ 1/24; 1/26 հասցեում գտնվող 26.2  քառակուսի մետր փաստացի մակերեսով հասարակական կառուցապատման հողամասում ինքնակամ կառուցված 25,9 քառակուսի մետր արտաքին մակերեսով խանութը համարել օրինական (Կադաստրի կոմիտեում հաշվառման ծածկագիր՝ 2023Z3YFRZ):
2. Լևոն Բաղդասարյանը և Նունե Սևլիկյանը պարտավոր են ինքնակամ կառուցված խանութի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին մուծել 166 071 (հարյուր վաթսունվեց հազար  յոթանասունմեկ) դրամ, հակառակ դեպքում սույն որոշումը կհամարվի ուժը  կորցրած:
3. Սույն որոշումն ուժի մեջ է մտնում  որոշման ընդունման մասին իրազեկելու օրվան հաջորդող օրվանից: