Համաձայն Քաղաքացիական օրենսգրքի 594-596-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, նկատի ունենալով այն հանգամանքը, որ Վարսինե Հայրապետյանը 2009 թվականից բնակվում է Աբովյան քաղաքի Ուսանողական թաղամասի 4/1/1 շենքի թիվ 324 բնակարանում, հաշվի առնելով Վարսինե Հայրապետյանի դիմումը (մուտք՝ 2019 թվականի հուլիսի 11-ի N Ք-1484), Աբովյան համայնքի ավագանին ո ր ո շ ու մ է` 1. Համայնքի սեփականություն հանդիսացող (հիմք` 2013 թվականի հունիսի 25-ի N 25062013-07-0061 վկայական) Աբովյան քաղաքի Ուսանողական թաղամասի 4/1/1 շենքի 13.77 քառակուսի մետր ընդհանուր մակերեսով թիվ 324 բնակարանն անհատույց օտարել Վարսինե Հայրապետյանին: 2. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Վարսինե Հայրապետյանի կողմից: 3. Սույն որոշումն ուժի մեջ է մտնում Վարսինե Հայրապետյանին որոշման ընդունման մասին իրազեկելու օրվան հաջորդող օրվանից:
|