Համաձայն «Տեղական ինքնակառավարման մասին» օրենքի 13-րդ հոդվածի 10-րդ մասի, Աբովյան համայնքի ավագանին որոշում է՝
1. Համաձայնություն տալ Աբովյան համայնքի տարածքում ծառահատումներ իրականացնելուն՝ ծառերի կենսաբանական հատկանիշների վերաբերյալ մասնագիտական եզրակացության հիման վրա։
2. Սահմանել, որ հատման ենթակա ծառեր են՝ ընտրված լավագույն և օժանդակող ծառերի աճին ու սաղարթի ձևավորմանը խոչընդոտող, չոր, չորացող, քամուց և ձյունից կոտրատված, հիվանդություններով և վնասատուներով վարակված, անորակ բնով և սաղարթով, գերհասունացած, բամբակատու և բնակչության համար վտանգավորություն ներկայացնող ծառերը:
3. Ծառահատումներն իրականացվում են «Աբովյանի համայնքային կոմունալ տնտեսություն» համայնքային ոչ առևտրային կազմակերպության միջոցով՝ հատված (հեռացված) ծառերը փոխարինելով նոր տնկվող ծառերով։
4. Ծառահատումների իրականացումը վերահսկվում է համայնքի ղեկավարի ստեղծած հանձնաժողովի կողմից՝ որը հաշվետու է համայնքի ղեկավարին։
5. Սույն որոշումն ուժի մեջ է մտնում ընդունմանը հաջորդող օրվանից: |