Համաձայն «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 29-36-րդ կետերի, հաշվի առնելով Վյաչեսլավ Գյուլումյանի դիմումը (մուտք՝ 04.10.2017թ. N Ք-1588), Աբովյան համայնքի ավագանին ո ր ո շ ու մ է.
1. Համաձայնություն տալ Վյաչեսլավ Գյուլումյանին սեփականության իրավունքով պատկանող (հիմք` 2016 թվականի հունիսի 20-ի N 20062016-07-0027 վկայական) Աբովյան քաղաքի 4-րդ միկրոշրջանի թիվ 4/186/1 հասցեում գտնվող 24.0 քառակուսի մետր մակերեսով հողամասի փոխանակմանը Աբովյան համայնքի սեփականություն հանդիսացող (հիմք` 2016 թվականի հուլիսի 15-ի N 15072016-07-0066 վկայական) 4-րդ միկրոշրջանի թիվ 4/189/7 հասցեում գտնվող 24.5 քառակուսի մետր մակերեսով հողամասի հետ:
2. Վյաչեսլավ Գյուլումյանը պարտավոր է Աբովյանի համայնքապետարանի 900105201363 հաշվեհամարին վճարել հավելյալ 0.5 քառակուսի մետր մակերեսով հողամասի կադաստրային արժեքը՝ 2 270 (երկու հազար երկու հարյուր յոթանասուն) դրամ։
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Վյաչեսլավ Գյուլումյանի կողմից:
4. Սույն որոշումն ուժի մեջ է մտնում ընդունմանը հաջորդող օրվանից: |