Ղեկավարվելով Քաղաքացիական օրենսգրքի 685-699-րդ հոդվածներով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, հաշվի առնելով Աբովյան համայնքի ավագանու 2016 թվականի հուլիսի 14-ի N 90-Ա որոշումը և «Սիմակ Գրիգորյան Սերյոժայի» անհատ ձեռնարկատիրոջ դիմումը (մուտք՝ 2019 թվականի դեկտեմբերի 26-ի N Ք-2879), Աբովյան համայնքի ավագանին ո ր ո շ ու մ է`
1. Աբովյան համայնքի սեփականություն հանդիսացող (հիմք` 2012 թվականի մարտի 30-ի N 30032012-07-0091 վկայական) Բարեկամության հրապարակի թիվ 1/3 հասցեում գտնվող անշարժ գույքն անհատույց օգտագործման իրավունքով՝ մինչև 2023 թվականի դեկտեմբերի 31-ը տրամադրել «Սիմակ Գրիգորյան Սերյոժայի» անհատ ձեռնարկատիրոջը։
2. «Սիմակ Գրիգորյան Սերյոժայի» անհատ ձեռնարկատերը պարտավորվում է հոգալ այգու պահպանման բոլոր ծախսերը, կատարել ընթացիկ վերանորոգման աշխատանքները, ապահովել այգու բնականոն և անվտանգ գործունեությունը:
3. Առաջարկել Աբովյան համայնքի ղեկավար Վահագն Գևորգյանին` համայնքի անունից օրենքով սահմանված կարգով կնքելու գույքի անհատույց օգտագործման պայմանագիր:
4. Պայմանագրի նոտարական վավերացման և պետական գրանցման ծախսերը կրում է «Սիմակ Գրիգորյան Սերյոժայի» անհատ ձեռնարկատերը:
5. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից և տարածվում է 2020 թվականի հունվարի 1-ից ծագած հարաբերությունների վրա: |