Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ և 55-րդ կետերի, 2007 թվականի օգոստոսի 09-ի N 1036-Ն որոշման, 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետի, հիմք ընդունելով Աբովյանի համայնքապետարանի աշխատակազմի քաղաքաշինության և հողաշինարարության բաժնի պետի զեկուցագիրը (մուտք՝ 2024 թվականի սեպտեմբերի 24-ի N Ք-7005).
1. Փոփոխել Աբովյան համայնքի սեփականություն հանդիսացող (հիմք` 2022 թվականի օգոստոսի 10-ի N 10082022-07-0074, 2023 թվականի օգոստոսի 02-ի N 02082023-07-0060 և 2024 թվականի սեպտեմբերի 20-ի N 20092024-07-0139 վկայականներ) Աբովյան համայնքի Աբովյան քաղաքի Հատիսի փողոցի թիվ 99, թիվ 99/1 և թիվ 107/5 հասցեներում գտնվող 07-002-0039-1767, 07-002-0039-1867 և 07-002-0039-1682 կադաստրային ծածկագրերով բնակավայրերի նպատակային նշանակության բնակելի կառուցապատման հողամասերի գործառնական նշանակությունը որպես հասարակական կառուցապատման հողամասերի:
2. Սույն որոշման 1-ին կետում նշված հողամասերին՝ «ԳԻՍ-ԱՐՏ» սահմանափակ պատասխանատվությամբ ընկերության կողմից 2024 թվականի սեպտեմբերի 24-ին կազմված միավորման սխեմայի (կցվում է) համաձայն` տրամադրել միասնական հասցե՝ համայնք Աբովյան, քաղաք Աբովյան, Հատիսի փողոց, 99։
3. Սույն որոշումն ուժի մեջ է մտնում ընդունման պահից։