Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ, 51-րդ և 55-րդ կետերի, 2006 թվականի մայիսի 18-ի N 912-Ն որոշմամբ հաստատված կարգի 9-րդ, 11-րդ, 12-րդ և 18-րդ կետերի, 2020 թվականի հունիսի 4-ի N 1023-Ն որոշման, Աբովյան համայնքի ավագանու 2022 թվականի ապրիլի 15-ի N 26-Ն որոշման, հաշվի առնելով այն հանգամանքը, որ անասնաշենքը կառուցված չէ ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրա պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Արմենակ Սարգսյանի դիմումը (մուտք՝ 2022 թվականի հունիսի 20-ի N Ք-2859).
1. Սոնիկ Արամի, Հայկ և Արմենակ Խոսրովի Սարգսյաններին սեփականության իրավունքով պատկանող (հիմք՝ 2021 թվականի հուլիսի 29-ի N 29072021-07-0154 վկայական, Աբովյան համայնքի ավագանու 2022 թվականի հուլիսի 11-ի N 95-Ա որոշում) Աբովյան համայնքի Գեղաշեն գյուղում գտնվող 07-023-0034-0027 կադաստրային ծածկագրով 946.8 քառակուսի մետր մակերեսով արդյունաբերության, ընդերքօգտագործման և այլ արտադրական նպատակային նշանակության գյուղատնտեսական արտադրական օբյեկտների գործառնական նշանակության հողամասում՝ «ԱՇՈՏ ՀԱԿՈԲՅԱՆ ԳՈՒՐԳԵՆԻ» անհատ ձեռնարկատիրոջ կողմից 2021 թվականի հուլիսի 21-ին կազմված հատակագծի համաձայն՝ ինքնակամ կառուցված 422.21 քառակուսի մետր արտաքին մակերեսով անասնաշենքը համարել օրինական:
2. Սույն որոշման 1-ին կետում նշված անշարժ գույքին տրամադրել հասցե՝ համայնք Աբովյան, գյուղ Գեղաշեն, 1-ին փողոց, 5-րդ նրբանցք, 24/4 շինություն։
3. Սույն որոշման 1-ին կետում նշված անձինք պարտավոր են՝
1) Աբովյանի համայնքապետարանի 900105201652 հաշվեհամարին մուծել 5 000 (հինգ հազար) դրամ` հասցեի տրամադրման  ծառայության վճար.
2) ինքնակամ կառուցված անասնաշենքի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին մուծել 765 678 (յոթ հարյուր վաթսունհինգ հազար վեց հարյուր յոթանասունութ) դրամ, հակառակ դեպքում սույն որոշումը կհամարվի ուժը կորցրած:
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: