Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2003 թվականի ապրիլի 17-ի N 470-Ն որոշման, 2006 թվականի մայիսի 18-ի N 912-Ն որոշմամբ հաստատված կարգի 9-րդ, 10-րդ, 11-րդ, 13-րդ և 18-րդ կետերի, հաշվի առնելով այն հանգամանքը, որ ինքնակամ կառուցված հարթակը և պարիսպը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Կարեն Թովմասյանի դիմումը (մուտք՝ 2019 թվականի հոկտեմբերի 01-ի N Ք-2124).
   1. Կարեն Սաշիկի Թովմասյանին սեփականության իրավունքով պատկանող (հիմք` 2019 թվականի հոկտեմբերի 21-ի N 21102019-07-0123 վկայական) Աբովյան քաղաքի Արզնու խճուղի թիվ 1/14/13 հասցեում գտնվող 40.0 քառակուսի մետր մակերեսով հողամասում ինքնակամ կառուցված 12.75 քառակուսի մետր մակերեսով արդյունաբերական օբյեկտների հարթակը և 1.4 քառակուսի մետր մակերեսով պարիսպը համարել օրինական:
   2. Կարեն Թովմասյանը պարտավոր է ինքնակամ կառուցված հարթակի և պարսպի օրինականացման համար սույն որոշման ընդունման օրվանից վաթսուն օրվա ընթացքում Աբովյանի համայնքապետարանի 900105201397 հաշվեհամարին մուծել 44 570 (քառասունչորս հազար հինգ հարյուր յոթանասուն) դրամ, հակառակ դեպքում սույն որոշումը կհամարվի ուժը կորցրած:
   3. Սույն որոշումն ուժի մեջ է մտնում Կարեն Թովմասյանին որոշման ընդունման մասին իրազեկելու օրվան հաջորդող օրվանից: