Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Նորմատիվ իրավական ակտերի մասին» օրենքի 33-րդ և 34-րդ հոդվածների և հաշվի առնելով Ազատուհի Հովագիմյանի լիազորած անձ Անահիտ Հովակիմյանի դիմումը (մուտք՝ 2019 թվականի նոյեմբերի 14-ի N Ք-2564).
     1. Աբովյան համայնքի ղեկավարի 2016 թվականի հունիսի 21-ի «Աբովյան քաղաքի Կոտայքի փողոցի 2-րդ նրբանցքի թիվ 8 հասցեում գտնվող բնակելի տան պահպանման ու սպասարկման համար առանձնացված հողամասում ինքնակամ կառուցված բաց պատշգամբի և աստիճանավանդակի օրինականացման մասին» N 704 որոշման մեջ կատարել հետևյալ լրացումը և փոփոխությունը՝
    1) որոշման նախաբանում «Համաձայն»  բառից հետո լրացնել «Հողային օրենսգրքի 64-րդ հոդվածի 2-րդ մասի,» բառերով, 
    2) որոշման 1-ին կետը շարադրել նոր խմբագրությամբ.
     «1. Ազատուհի Արեստի Հովագիմյանին պատկանող (հիմք` 2016 թվականի մայիսի 12-ի N 2929 և N 2930 ըստ օրենքի ժառանգության իրավունքի վկայագրեր) Աբովյան քաղաքի Կոտայքի փողոցի 2-րդ նրբանցքի թիվ 8 հասցեում գտնվող 322.59 քառակուսի մետր մակերեսով հողամասին կից ավել օգտագործվող 20.99 քառակուսի մետր մակերեսով սահմանազատված հողատարածության նկատմամբ ճանաչել նրա սեփականության իրավունքը և հողամասում ինքնակամ կառուցված 2.9 քառակուսի մետր արտաքին մակերեսով բաց պատշգամբը և 5.03 քառակուսի մետր արտաքին մակերեսով աստիճանավանդակը համարել օրինական (հատակագիծը կցվում է):»
     2. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։