Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, 2003 թվականի ապրիլի 17-ի N 470-Ն որոշման, 2006 թվականի մայիսի 18-ի N 912-Ն որոշմամբ հաստատված կարգի 9-րդ, 10-րդ, 11-րդ, 13-րդ և 18-րդ կետերի, Աբովյան համայնքի ավագանու 2018 թվականի դեկտեմբերի 18-ի N 107-Ն որոշման, հաշվի առնելով այն հանգամանքը, որ հասարակական կառուցապատման շինությունը, հարթակ-աստիճանը և ինքնակամ իրականացված ձևափոխումն իրականացված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Դերենիկ Մելքոնյանի դիմումը (մուտք՝ 2019 թվականի նոյեմբերի 14-ի N Ք-2566).
   1. Դերենիկ Քյարամի Մելքոնյանին և Գոհար Էդվարդի Սարադյանին  ընդհանուր համատեղ սեփականության իրավունքով պատկանող (հիմք` 2018 թվականի մարտի 19-ի N 19032018-07-0074 վկայական) Աբովյան քաղաքի Հատիսի փողոցի թիվ 1/12 հասցեում գտնվող 183.48 քառակուսի մետր մակերեսով հողամասում ինքնակամ կառուցված 247.25 քառակուսի մետր արտաքին մակերեսով հասարակական կառուցապատման շինությունը, հարթակ-աստիճանը և 20.15 գծամետր ձևափոխված (քանդված) պատը համարել օրինական (հատակագիծը կցվում է) և օգտագործել որպես հասարակական նշանակության սպասարկման օբյեկտ:
   2. Սույն որոշման 1-ին կետում նշված անձինք պարտավոր են ինքնակամ կառուցված շինության և հարթակ-աստիճանի օրինականացման համար սույն որոշման ընդունման օրվանից վաթսուն օրվա ընթացքում Աբովյանի համայնքապետարանի 900105201397 հաշվեհամարին մուծել 1 038 450 (մեկ միլիոն երեսունութ հազար չորս հարյուր հիսուն) դրամ, հակառակ դեպքում սույն որոշումը կհամարվի ուժը կորցրած,  
   3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: