Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետի, Հայաստանի Հանրապետության կառավարության 2003 թվականի ապրիլի 17-ի N 470-Ն որոշման, 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 48-րդ, 49-րդ, 53-րդ կետերի և 2006 թվականի մայիսի 18-ի N 912-Ն որոշմամբ հաստատված կարգի 8.1-րդ, 9-րդ, 10-րդ, 11-րդ, 17-րդ, 18-րդ կետերի, Աբովյան  համայնքի ավագանու 2017 թվականի դեկտեմբերի 19-ի N 109-Ն որոշման,  հաշվի առնելով այն հանգամանքը, որ ինքնակամ կառուցած շինությունները, պարիսպը կառուցված չեն և ինքնակամ ձևափոխումներն իրականացված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով «ՍԱՄԿՈՆ» սահմանափակ պատասխանատվությամբ ընկերության տնօրենի դիմումը (մուտք՝ 2018 թվականի հունիսի 28-ի N Տ-122).
   1. «ՍԱՄԿՈՆ» սահմանափակ պատասխանատվությամբ ընկերությանը սեփականության իրավունքով պատկանող (հիմք` 2009 թվականի դեկտեմբերի 10-ի N 2265973 վկայական) Աբովյան քաղաքի Հաղթանակի 40-ամյակի փողոցի թիվ 20 հասցեում գտնվող 21960.0 քառակուսի մետր մակերեսով հողամասում ինքնակամ կառուցված 715.55 քառակուսի մետր արտաքին և 684.0 քառակուսի մետր ներքին մակերեսներով արտադրական նշանակության շինությունները, 25.5 քառակուսի մետր մակերեսով պարիսպը, ինքնակամ բացված 3 դուռը, 4 պատուհանը և ինքնակամ փակված 3 դուռը համարել օրինական (հատակագիծը կցվում է):
   2. Սույն որոշման 1-ին կետում նշված անշարժ գույքը վերահասցեավորել՝ քաղաք Աբովյան, Հատիսի փողոց, թիվ 20:
   3. «ՍԱՄԿՈՆ» սահմանափակ պատասխանատվությամբ ընկերությունը պարտավոր է՝
   1) ինքնակամ կառուցված շինությունների և պարսպի օրինականացման համար սույն որոշման ընդունման օրվանից վաթսուն օրվա ընթացքում Աբովյանի համայնքապետարանի 900105201397 հաշվեհամարին մուծել 2 334 310 (երկու միլիոն երեք հարյուր երեսունչորս հազար երեք հարյուր տասը) դրամ և 21 000 (քսանմեկ հազար) դրամ՝ ինքնակամ բացված 3 դուռը, 4 պատուհանը և ինքնակամ փակված 3 դուռը օրինականցնելու համար, հակառակ դեպքում սույն որոշումը կհամարվի ուժը կորցրած.
   2) Աբովյանի համայնքապետարանի 900105201652 հաշվեհամարին մուծել 5 000 (հինգ հազար) դրամ` հասցեի տրամադրման ծառայության վճար:
   4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: