Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2003 թվականի ապրիլի 17-ի N 470-Ն որոշման, 2006 թվականի մայիսի 18-ի N 912-Ն որոշմամբ հաստատված կարգի 9-րդ, 10-րդ, 11-րդ, 17-րդ և 18-րդ կետերի, հաշվի առնելով այն հանգամանքը, որ ինքնակամ կառուցված շինությունները և պարիսպը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Համլետ Պետրոսյանի դիմումը (մուտք՝ 2019 թվականի հունվարի 21-ի N Ք-88).
   1. Համլետ Մուրադի Պետրոսյանին սեփականության իրավունքով պատկանող (հիմք` 2018 թվականի նոյեմբերի 03-ի N 03112018-07-0059 վկայական) Աբովյան քաղաքի Սևանի փողոցի թիվ 1/7 հասցեում գտնվող 2586.63 քառակուսի մետր մակերեսով հողամասում ինքնակամ կառուցված 466.8 քառակուսի մետր արտաքին մակերեսով արդյունաբերության, ընդերքօգտագործման և այլ արտադրական նշանակության օբյեկտների հողեր նպատակային նշանակության, արդյունաբերական օբյեկտների արտադրամասերը, պահեստները, ծածկարանները և 16.70 քառակուսի մետր մակերեսով պարիսպը համարել օրինական (հատակագիծը կցվում է):
   2. Համլետ Պետրոսյանը պարտավոր է ինքնակամ կառուցված շինությունների և պարսպի օրինականացման համար սույն որոշման ընդունման օրվանից վաթսուն օրվա ընթացքում Աբովյանի համայնքապետարանի 900105201397 հաշվեհամարին մուծել 1 523 030 (մեկ միլիոն հինգ հարյուր քսաներեք հազար երեսուն) դրամ, հակառակ դեպքում սույն որոշումը կհամարվի ուժը կորցրած:
   3. Սույն որոշումն ուժի մեջ է մտնում Համլետ Պետրոսյանին որոշման ընդունման մասին իրազեկելու օրվան հաջորդող օրվանից: