Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Աբովյան համայնքի ավագանու 2018 թվականի դեկտեմբերի 18-ի N 107-Ն որոշման, հաշվի առնելով Սիլվա Հովհաննիսյանի դիմումը (մուտք՝ 2019 թվականի հուլիսի 08-ի N Ք-1435).
   1. Համաձայնություն տալ Սիլվա Հովհաննիսյանին Աբովյան համայնքի 8-րդ միկրոշրջանի 3-րդ թաղամասի թիվ 49 հասցեում գտնվող հողամասի ջրամատակարարման` 50,0 գծամետր երկարությամբ խողովակն անցկացնելու, շինարարական աշխատանքներ կատարելու համար:
   2. Սիլվա Հովհաննիսյանը պարտավոր է Աբովյանի համայնքապետարանի 900105201652 հաշվեհամարին վճարել 5 000 (հինգ հազար) դրամ` ծառայության վճար:
   3. Շինարարական աշխատանքները կատարելիս անհրաժեշտ է տեղեկացնել «Աբովյանի համայնքային կոմունալ տնտեսություն» համայնքային ոչ առևտրային կազմակերպությանը, Հայաստանի Հանրապետության ոստիկանության Կոտայքի ճանապարհային ոստիկանությանը և մյուս շահագրգիռ կազմակերպություններին:
   4. Քանդված հատվածները վերականգնել տասնօրյա ժամկետում:
   5. Սույն որոշումն ուժի մեջ է մտնում Սիլվա Հովհաննիսյանին որոշման ընդունման մասին իրազեկելու օրվան հաջորդող օրվանից: